غزہ (آن لائن) غزہ پٹی میں گزشتہ 24 گھنٹوں کے دوران اسرائیلی فوج کی جارحانہ کارروائیوں میں 6 فلسطینی جاں بحق اور درجنوں زخمی ہوگئے۔ ذرائع ابلاغ کی رپورٹس کے مطابق ایک اسرائیلی جنگی طیارے نے اتوار کی علی الصبح غزہ میں شمالی جبالیہ قصبے کے نزدیک علاقے میں بمباری کی جس کے نتیجے میں 20سالہ نوجوان محمد شفیقانی جاں بحق اور 7 دیگر زخمی ہوگئے شہر کے مشرقی علاقے میں ایک اور فضائی حملے میں ایک نوجوان عابد جاں بحق ہوگیا اسرائیلی فوج نے گزشتہ چند گھنٹوں میں غزہ میں مختلف مقامات پر بمباری کی تصدیق کی ہے قبل ازیں اسرائیلی ٹینکوں کے غزہ میں زمینی کارروائیاں کرتے ہوئے چار فلسطینیوں کو ہلاک اور تیس سے زائد کو زخمی کردیا تھا اسرائیلی فوج کا دعویٰ ہے کہ اس کی حالیہ کارروائیاں دفاعی مقاصد کیلئے ہیں۔