لاہور(سپورٹس رپورٹر) لاہور پولو کلب کے زیر اہتمام رچ لیف انٹرنیشنل پولو ٹورنامنٹ شروع ہو گیا افتتاحی روز تین میچ کھیلے گئے جن میں منیر موٹرز سٹور، میجک ریور (ریڈ) اور وائی ٹرائب کی ٹیموں نے اپنے اپنے میچز جیت لیے۔ پہلا میچ  منیر موٹرز سٹور اور سکوف کی ٹیموں کے درمیان کھیلا گیا جس میں منیر موٹرز نے 7-6 سے کامیابی اپنے نام کی۔ دوسرے میچ میں میجک ریور (ریڈ) نے گارڈ گروپ کو 12-2 سے شکست دی۔ تیسرے میچ میں وائی ٹرائب نے باریز کے خلاف ساڑھے 6 کے مقابلے 8 گول سے کامیابی حاصل کی۔