لاہور ( پ ر) پنجاب گروپ آف کالجز لاہور اقبال ڈے کے سلسلے میں پنجاب کالج والنٹیئرز کلب کے زیر اہتمام ایک سیمینار ہوا جس کا عنوان ”اقبال کا شاہین اور آج کا نوجوان“ تھا۔ سیمینار کے مقررین میں ولید اقبال معروف صحافی انیق ناجی، ماہر تعلیم ڈاکٹر عبداللہ شاہ ہاشمی اور پرنسپل پنجاب گروپ آف کالجز پروفیسر آغا طاہر اعجاز کے علاوہ طلبہ و طالبات کی کثیر تعداد نے شرکت کی۔ مقررین نے اپنے خطاب میں طلبہ پر زور دیا کہ وہ موجودہ مشکل حالات کے باوجود اقبال کے پیغام پر عمل کرتے ہوئے فلسفہ خودی کو اپنائے رکھی اور ملکی رقی کیلئے دن رات کوشاں رہیں، سیمینار میں پنجاب کالج کے طلبہ نے خوبصورتی کے ساتھ کلام اقبال بھی پیش کیا۔ اختتام پر پروفیسر آغا طاہر اعجاز اور انچارج پنجاب کالج والنٹیئرز کلب کے پروفیسر منصور فاروقی نے طلبہ میں تعریفی اسناد تقسیم کیں۔