لاہور میں میڈیا سے گفتگو کرتے ہوئے شہریارخان کا کہنا تھا کہ یونس خان کی ون ڈے کرکٹ سے ریٹائرمینٹ پر افسوس ہوا،یونس خان کو انگلینڈ کے خلاف ون ڈے سیریز کے بعد ایسا کوئی فیصلہ کرنا چاہیے تھا،عمر اکمل سے متعلق سوال کے جواب میں شہریار خان نے کہا کہ عمراکمل کی نازیبا حرکت پر انھیں معطل کرتے ہوئے ٹیم سے ڈراپ کر دیا ہے۔ پی سی بی اس معاملے پر مکمل انکوائری کرے گا۔
شہریار خان کا کہنا تھا کہ قومی ٹیم میں زیادہ تر کھلاڑی کم پڑھے لکھے ہیں،صرف مصباح الحق کے علاوہ کوئی بھی کھلاڑی گرییجوئیٹ نہیں۔
چیرمین پی سی بی نے بتایا کہ جو بھی کھلاڑی ٹیم کا حصہ بنتا ہے اسے کھانے سے لے کر انگریزی بولنا بھی سکھایا جاتا ہےتاہم ڈسپلن کی خلاف ورزی کرنے والوں کے خلاف سخت کاروائی کی جائے گی۔
