اسلام آباد(سپورٹس رپورٹر) پاکستان انٹرنیشنل سیریز بیڈمنٹن کپ ٹورنامنٹ میںپاکستانی کھلاڑیوں نے دو کیٹیگریز میں فائنل کیلئے کوالیفائی کرلیا۔ مینز سنگلز سیمی فائنلز میں ترکی کے ایمری لالے نے پاکستانی رضوان اعظم کو جبکہ ویتنام کے ڈوس فیٹ لی نے پاکستانی عرفان سعید کو ہرا کر فائنل کیلئے کوالیفائی کر لیا۔ویمن سنگلز سیمی فائنلز میں سری لنکن حسینی ناوساکا نے پاکستانی سحراکرم کو جبکہ پاکستانی ماہ نور شہزاد نے ویتنام کی تھی فونگ تھوئی تران کوسے ہرا کر فائنل میں جگہ بنا لی۔مینز ڈبلز سیمی فائنل میں پاکستانی رضوان اعظم اور کاشف سلہری نے ہم وطن کھلاڑیوں محمد عتیق اور اویس زاہد کو جبکہ مکسڈ ڈبلز کے پہلے سیمی فائنل میں نیپال کے رتنا جیت تمانگ اور نانگسل تمانگ نے ہم وطن بشنو کٹوال اور سونیانامخیا کو سے ہرا کر فائنل میں جگہ بنا لی۔ دوسرے سیمی فائنل میں نیپال کی شویٰ گوچان اور دیپک دھامی نے پاکستان کی صائمہ مشتاق اور وقاص احمد کو ہرا کر فائنل کیلئے کوالیفائی کیا۔