دو قومی نظریہ نے برصغیر کے مسلمانوں کو ایک چھتری تلے جمع کیا: محمد شعیب

خانیوال (نمائندہ نوائے وقت )المحمدیہ سٹوڈنٹس کے زیر اہتمام یونیورسٹیز اور کالجز کے طلبا کیلئے’’اک نظریہ اک پیغام، میرا پیارا پاکستان‘‘ کے عنوان سے سیمینار کا انعقاد کیا گیا جس میں سینکڑوں طلبا نے شرکت کی۔ سیمینارمیں محمد شعیب، عدیل عامر، محمد اسامہ نے خصوصی شرکت کی۔ سیمینار سے خطاب کرتے ہوئے محمد شعیب نے کہاپاکستان کلمہ لا الہ الا اللہ کی بنیاد پر معرض وجود میں آیا۔ یہ دو قومی نظریہ ہی تھا جس نے برصغیر پاک و ہند کے مسلمانوں کو ایک چھتری تلے جمع کر دیا تھا۔