ٹرافی جیت کر پرستاروں کے نام  کرنا چاہتے ہیں،کپتان  قلندرز

(سپورٹس ڈیسک)لاہور قلندرز پہلی بار پی ایس ایل ٹائٹل پر قبضہ جمانے کیلئے بے تاب ہیں۔ قلندرز کے کپتان سہیل اختر نے کہاکہ کراچی ہمارے لئے دوسرے ہوم گرائونڈ جیسا ہے،بطور پروفیشنل کرکٹر ہمیں کسی بھی وینیو پر کھیلنے کیلئے تیار رہنا چاہیے، اگرچہ سٹیڈیم میں تماشائی موجود نہیں ہوں گے مگر ہم ٹرافی جیت کر ملک بھر میں موجود اپنے پرستاروں کی بڑی تعداد کے نام کرنا چاہتے ہیں، درخواست ہے کہ وہ ہمیں گھروں میں بیٹھ کر بھرپور سپورٹ کریں۔ انھوں نے کہا کہ امید ہے بین ڈنک لیگ مرحلے کی زبردست کارکردگی کا سلسلہ پلے آف میچز میں بھی برقرار رکھیں گے۔