یوفون نے بیسٹ ڈے آفر کیساتھ لامحدود فیس بک کی سہولت پیش کردی

اسلام آباد(پ ر) پاکستانی ٹیلی کام کمپنی یوفون بہترین پیکجز پیش کرکے ہمیشہ اپنے صارفین کو سہولیات کی فراہمی کے لئے کوشاں رہا ہے۔ اس سلسلے میں یوفون نے حال ہی میں اپنے صارفین کو محض 11.99 روپے میں ایک دن کی بہترین آفر (بیسٹ ڈے آفر ) متعارف کرائی ہے ۔ آفر میں 500 MBفیس بک اور 500 یوفون سے یوفون اور یوفون سے پی ٹی سی ایل منٹس شامل ہیں ۔ اس سہولت کی بدولت صارفین جب چاہیں اور جتنی لمبی چاہیں کال یا چیٹ کرسکتے ہیں۔ اس آفر میں صارفین پر کسی طرح کی پابندی نہیں ہے اور وہ سارا دن اپنے پیاروں کو لامحدود ویڈیو یا وائس کالز کرسکتے ہیں۔ کسی شہر یا فاصلے سے قطع نظر لوگ 500 MBحجم کے ساتھ فیس بک سے رابطے کے ذریعے سے انتہائی فائدہ اٹھا سکیں گے اور وہ ویڈیو یا فوٹو سرفنگ، میسجنگ اور کالز سے بہترین انداز سے مستفید ہوسکیں گے۔