بیجنگ(شِنہوا)چینی صدر شی جن پھنگ  نے سائنس اور ٹیکنالوجی کی ترقی کے لیے کشادہ ، منصفانہ، مساوی اور غیر امتیازی ماحول کو فروغ دینے کی کوششوں پر زور دیا ہے۔شی نے ان خیالات کا اظہار جمعرات کو ویڈیو کے ذریعے ایشیا بحرالکاہل اقتصادی تعاون کے  سی ای او سربراہی اجلاس میں کلیدی خطاب کرتے ہوئے کیا۔انہوں نے کہا کہ ایشیا بحرالکاہل خطے کو سائنسی اور تکنیکی اختراعات اور ادارہ جاتی جدت میں تیزی لانی  چاہیے،  سائنسی اور تکنیکی ترقی کی کمرشلائزیشن  کو فروغ دینا چاہیے، اور ترقی کے نئے محرکات کو فروغ دینا چاہیے، تاکہ جدت سے اقتصادی ترقی اور سبز تبدیلی  دونوں کو فروغ ملے۔شی نے کہا کہ ہمیں ایشیا بحرالکاہل کی نمائندہ  معیشتوں کے مابین  سائنسی اور تکنیکی اختراعات پر تعاون بڑھانے کی ضرورت ہے اور سائنس اور ٹیکنالوجی کی ترقی کے لیے کشادہ ، منصفانہ، مساوی اور غیر امتیازی ماحول کو فروغ دینے کی ضرورت ہے۔