ناقص سپر ویژن ،ایس ایس پی انویسٹی گیشن کاڈی ایس پی کو وضاحتی لیٹر 

لاہور(نامہ نگار)ایس ایس پی انویسٹی گیشن لاہورعمران کشورنے گزشتہ روزتھانہ شاہدر میں سٹی ڈویژن کے افسران سے کرائم میٹنگ کی ۔میٹنگ میں ایس پی انویسٹی گیشن سٹی حسن جاوید بھٹی، ڈی ایس پی سی آئی اے سٹی، ایس ڈی پی او شاہدرہ، انچارج انویسٹی گیشن شاہدرہ محمد سرور اور تفتیشی افسران نے شرکت کی۔ایس ایس پی نے ناقص سپر ویژن پر ڈی ایس پی سی آئی اے سٹی فاروق اصغر اعوان کو وضاحتی لیٹر جاری کیا ہے جبکہ مقدمات کی تفتیش میں عدم دلچسپی پر انچارج تھانہ شاہدرہ انویسٹی گیشن محمد سرور، سب انسپکٹر محمد افضل اور محمدکلیم کو شوکاز نوٹسز جاری کئے ۔ انہوں نے کہاہے کہ تفتیشی افسران پیشہ وارانہ صلاحیتوں کو بروئے کار لاتے ہوئے میرٹ پر تفتیش مکمل کریں۔