مہنگا ہونے کے ساتھ ساتھ یہ ماسک طبی طور پر کرونا وبا سے بچاو کے لیے تیار کردہ ماسک کے مطابق ہے،ڈئزائنر
کرونا وائرس سے بچاوکے لیے ہیروں سے جڑا ماسک 15 لاکھ ڈالر میں فروخت ہوا ہے جسے ایک بین الاقوامی کمپنی نے ریاض سیزن 2021 میں زیورات کی منفرد نمائش میں پیش کیا تھا۔میڈیارپورٹس کے مطابق 18 قیراط سفید سونے کا بنا ، سفید اور سیاہ رنگ کے 3608 ہیروں سے جڑا ہوا اور سونے سے بنا یہ ماسک سجاوٹ کے لیے نہیں۔مہنگا ہونے کے ساتھ ساتھ یہ ماسک طبی طور پر کرونا وبا سے بچاو کے لیے تیار کردہ ماسک کے مطابق اور موزوں ہے کرونا کے انفیکشن کو روکنے میں مدد کرتا ہے۔
مینوفیکچرر کے مطابق یہ ماسک صحت کے تقاضوں کے مطابق ہے اور اسے یو ایس فوڈ اینڈ ڈرگ ایڈمنسٹریشن نے منظور کیا ہے اور اس پراین 99 ایئر فلٹر لگایا جا سکتا ہے۔ایک ڈیزائنر اور 25 جیولرز کی شرکت کے ساتھ اس ماسک کی تیاری میں 9 ماہ لگے۔ یہ امریکا میں مقیم ایک چینی تاجر نے بنوایا جو ماسک کی دنیا میں اب تک کا سب سے مہنگا ماسک ہے۔ماسک کے ڈیزائنر نے کہا کہ پیسے سے ہر چیز نہیں خریدی جا سکتی لیکن اگر وہ کووِڈ 19 سے بچاوکے لیے مہنگا ماسک خرید سکتا ہے اور یہ آدمی اسے پہن کر توجہ مبذول کروانے کے لیے اس کے ساتھ گھومنا چاہتا ہے۔ تو اس کے لیے خوشی کی بات ہے۔
