آرمی چیف کی ملتان گیریژن کے دورہ پر افسروں ، جوانوں سے الوداعی ملاقات 

اسلام آباد (خبر نگار خصوصی) آرمی چیف جنرل قمر جاوید باجوہ نے ملتان گیریژن کے دورے میں سٹرائیک فارمیشنز کے دستوں کے ساتھ بات چیت کے دوران ملکی خدمت میں انکی غیر معمولی پیشہ ورانہ قابلیت کو سراہا۔ پاک فوج کے شعبہ تعلقات عامہ (آئی ایس پی آر ) کی طرف سے جاری کردہ بیان کے مطابق آرمی چیف نے ملتان کا دورہ کیا۔ ان کا استقبال لیفٹیننٹ جنرل اختر نواز ستی نے کیا۔ بیان کے مطابق سپہ سالار نے ملتان گیریژن کے افسران اور جوانوں سے بات چیت کی۔ آئی ایس پی آر کے مطابق سٹرائیک فارمیشنز کے دستوں کے ساتھ بات چیت کے دوران جنرل قمر جاوید باجوہ نے مادر وطن کی خدمت میں ان کی غیر معمولی پیشہ ورانہ قابلیت اور ڈیوٹی سے لگن کو سراہا۔