زہریلا چارا کھانے سے  60 بھینسیں ہلاک300 سو متاثر 

کراچی(این این آئی) لانڈھی بھینس کالونی میں زہریلا چارا کھانے سے ساٹھ بھینسیں ہلاک اور تین سو سے زائد مویشی متاثر ہوئے۔تفصیلات کے مطابق کراچی لانڈھی بھینس کالونی میں زہریلا چارا کھانے سے ساٹھ بھینسیں ہلاک ہوگئیں۔بھینس کالونی کے 2 ڈیری فارم میں تین سو سے زائد مویشی متاثر ہیں، بھینسیں اورگائے زہریلا بھوسی ٹکڑا کھانے سے ہلاک و متاثرہوئیں۔صدرڈیری فارمرز شاکر عمر گجر نے بتایا کہ ڈیری فارمرز کو تقریبا ڈیڑھ کروڑ روپے مالیت کا نقصان پہنچا۔شاکر عمر گجرنے بتایاکہ محکمہ لائیواسٹاک پنجاب نے بھوسی ٹکڑے کھلانے پر پابندی لگارکھی ہے، ڈیری فارمرز کے ہونے والے نقصان کا فوری ازالہ کرایا جائے۔