پشاور زلمی کے ہیڈ کوچ ڈیرن سیمی کا ٹیم چھوڑنے پر شعیب ملک کیلئے نیک خواہشات کا اظہار 

پاکستان سپر لیگ (پی ایس ایل)کی فرانچائز پشاور زلمی کے ہیڈ کوچ سابق ویسٹ انڈین کپتان ڈیرن سیمی نے ٹیم چھوڑنے پر شعیب ملک کے لیے نیک خواہشات کا اظہار کیا ہے۔سماجی رابطے کی سائٹ ٹوئٹر پر جاری کیے گئے پیغام میں ڈیرن سیمی نے شعیب ملک کو چمپئن قرار دیتے ہوئے کہا کہ آپ کی ٹیم میں موجودگی اہمیت کا باعث تھی۔ڈیرن سیمی نے دوسری ٹیم میں جانے پر شعیب ملک کے لیے نیک تمناﺅں کا اظہار بھی کیا۔واضح رہے کہ پاکستان کرکٹ ٹیم کے سابق کپتان شعیب ملک پی ایس ایل کی ٹیم کراچی کنگز کا حصہ بن گئے ہیں، اس بات کا اعلان انہوں نے اپنے آفیشل فیس بک پیج پر کیا تھا۔شعیب ملک نے کہا کہ ایک نیا دن، نیا چیلنج۔ میں یہ بتانا چاہتا ہوں کہ پاکستان سپر لیگ کے آئندہ سیزن میں کراچی کنگز کے لیے میدان میں نظر آﺅں گا۔دوسری جانب پاکستان کرکٹ ٹیم کے کپتان بابر اعظم نے پاکستان سپر لیگ کی فرنچائز کراچی کنگز چھوڑ دی ۔بابر اعظم اب پی ایس ایل کے نئے سیزن میں کراچی کنگز کے بجائے پشاور زلمی کی طرف سے میدان میں اپنی بیٹنگ کے جوہر دکھانے کے لیے اتریں گے۔