لاہور (سپورٹس رپورٹر) لاہور پولو کلب کے زیراہتمام چار گول کا لپٹن پولو کپ میں دوسرا ایگزی بیشن میچ لاہور پولو کلب اور لینگسٹن پولو کلب یو ایس اے کے درمیان ہوا جو لاہور پولو کلب نے 4-3 سے ہرا دیا۔ لاہور پولو کلب کے صدر اعظم حیات نون کا کہنا تھا کہ امریکہ سے آئی مہمان ٹیم نے لاہور پولو کلب میں دوسرا میچ کھیلا۔ دونوں ٹیموں کے کھلاڑیوں کو ایک دوسری ٹیم میں تقسیم کردیا ہے۔ ہر ٹیم میں دو پاکستانی اور دو امریکی کھلاڑی کھیلے۔ لاہور پولو کلب کے تیمور علی ملک نے تین گول کیے جبکہ چوتھا گول جارج نے کیا۔ امریکی پولو کلب کے ولیم نے دواور کارٹر نے ایک گول کیا۔ مسز ملیحہ شاہنواز نے انعامات تقسیم کیے۔