لاہور(سپورٹس رپورٹر )پاکستان کپ ایک روزہ کرکٹ ٹورنامنٹ کے چھٹے راو¿نڈ میں فاٹا اور راولپنڈی ریجن نے اپنے اپنے میچز جیت لیے۔ ملتان اور کراچی وائٹس کا میچ پشاور اور لاہور وائٹس کا میچ گیلی کنڈیشنز کی وجہ سے ممکن نہیں ہوسکا۔ فاٹا نے فیصل آباد ریجن کو ہرادیا۔۔ فیصل آباد نے 8 وکٹوں پر 229 رنزبنائے۔ آصف علی نے78 رنز بنائے۔ فاٹا نے سات وکٹوں پر ہدف حاصل کرلیا۔ سلمان خان جونیئر نے66 رنز بنائے۔ راولپنڈی ریجن نے لاہور بلوز کو ہرادیا۔ لاہور بلوز نے 5 وکٹوں پر256 رنز بنائے۔ راولپنڈی ریجن نے ہدف سات وکٹوں پرپورا کرلیا۔ عبدالفصیح نے114 رنز بنائے۔