راولپنڈی (نوائے وقت رپورٹ+جنرل رپورٹر) راولپنڈی کے علاقے شاہ خالد کالونی میں 3 بچے جاں بحق ہو گئے، لواحقین کے مطابق تینوں بچے کھیلتے ہوئے ٹرنک میں بند ہو گئے تھے۔ ریسکیو اہلکاروں نے جاں بحق ہونے والے تینوں بچوں کو ہسپتال منتقل کر دیا، جاں بحق ہونے والوں میں 2 بچیاں اور ایک بچہ شامل ہے۔ترجمان ریسکیو کے مطابق جاں بحق ہونے والے تینوں بچے حقیقی بہن بھائی ہیں، جن میں 2 سالہ زوہان، 6 سالہ سائرہ اور 7 سالہ فاریہ شامل ہیں۔ ابتدائی معلومات کے مطابق بچوں کی اموات دم گھٹنے سے ہوئیں۔