غیر قانونی مقیم افراد کی بے دخلی کا معاملہ: درخواست 6اعتراضات کیساتھ واپس

اسلام آباد(خصوصی رپورٹر) غیر قانونی طور پر مقیم غیر ملکی شہریوں کی بے دخلی کے معاملہ پر رجسٹرارسپریم کورٹ نے درخواست اعتراضات لگا کر واپس کر دی۔ سپریم کورٹ کے رجسٹرار آفس نے درخواست پر 6 اعتراضات عائد کئے ہیں، اعتراض میں کہا گیا درخواست میں آرٹیکل184(3) کا اختیار استعمال کرنے کے لئے مفاد عامہ کے نکتے کی نشان دہی نہیں کی گئی، انفرادی حق تلفی کے لئے آرٹیکل 184(3) کا استعمال نہیں کیا جا سکتا۔ اعتراض میں مزید کہا گیا درخواست میں آرٹیکل 184(3) کے استعمال کے لئے مناسب جواز فراہم نہیں کیا گیا، درخواست گزار نے ریلیف لینے کے لئے متعلقہ فورم سے رجوع نہیں کیا، آرٹیکل 248 کے تحت نگران وزیراعظم اور وزرا اعلیٰ کو فریق نہیں بنایا جا سکتا۔