آغوش کالج مری کی ٹیم کی انٹرسکول والی بال ٹورنمنٹ میں تیسری پوزیشن

اسلام آباد ( نمائندہ خصوصی ) الخدمت فاو¿نڈیشن پاکستان کے زیر انتظام ادارے آغوش کالج مری کی ٹیم نے انٹرسکول والی بال ٹورنمنٹ میں تیسری پوزیشن اپنے نام کر لی۔ فیڈرل بورڈ آف انٹرمیڈیٹ اینڈ سیکنڈری ایجوکیشن اسلام آباد کے تحت ہونے والے انٹر سکول والی بال ٹورنامنٹ میں آغوش کالج مری کی ٹیم نے علی ٹرسٹ کالج اسلام آباد کی ٹیم کو ہرا کر تیسری پوزیشن حاصل کر لی۔اس موقع پر پرنسپل آغوش کالج مری اعظم خان نے آغوش کے بچوں کو شاباش دی اور کہا کہ جس طرح سے آپ اپنی تعلیم و تربیت میں کسی سے کم نہیں۔ اسی طرح آپ فنون، کھیل، گیمز اور ذہانت کے مقابلوں میں بھی کسی سے کم نہیں۔آغوش کالج مری بین الاقوامی سطح کی تعلیمی کا اقامتی ادارہ ہے۔ جہاں یتیم بچوں کو رہائش، تعلیم و تربیت، خوراک اور دیگر سہولیات مفت میسر ہیں۔