اٹک (نامہ نگار ) پاکستا ن کے مایہ نا ز معروف فوک سنگر حکمت خان اعوان کے زیر انتظام چوتھا سالانہ ایوارڈ شو ضلع کونسل ہال اٹک میں منعقد ہوا جس کے مہمان خصوصی امیدوار برائے صوبائی اسمبلی حلقہ پی پی تھری شیخ ناصر محمود تھے جبکہ تقریب کی صدارت سینئر قانون دان شیخ احسن الدین ایڈووکیٹ سپریم کو رٹ آف پاکستا ن نے کی ، تقریب میں لندن سے پاکستان آئی ہوئی انٹرنیشنل ایوارڈ یافتہ فوٹوگرافر سمیہ شریف جن کا تعلق اٹک سے ہے خصوصی ایوارڈ دیا گیا ، سٹیج سیکر ٹری کے فرا ئض نامورایکسپرٹ کمپیئر میا ں را شد مشتا ق نے انجام دیئے ، اس کے علاوہ بہترین گلوکاری کا ایوارڈ پو ٹو ہا ر کی معرو ف گلو گارہ لیلی جٹی، شہلا حسن اور رفیع اعوان، راجہ فیاض، گلستان خان کو دیا گیا، جبکہ صحا فت میں بہترین کارگردگی کا ایوا رڈ شیخ جا وید اقبال کو دیا گیا ، اس کے علاوہ ڈائریکٹر ایڈمن سعدی ہسپتال ملک مرید عباس، کنزہ فوڈ کمپنی کے محمد جمیل، کے ،ٹو، ٹی وی کے اینکر سلیم شہزاد، پوٹھوہاری ادیب ظہیر چوہدری، سٹی صدر (ن) لیگ لیبر ونگ ساجد خان کو خصوصی شیلڈ پیش کی گئی، بہترین شاعر کا ایوارڈ وسیم سجاد کیانی، سائیں جابر، ردا نقوی، حسین امجد کو دیا گیا، بہترین اداکار کا ایوارڈ راجہ زاہد حسین، راجہ طاہر، راجہ ساجد، ناصر شیخ، سونو شاہ کو دیا گیا ، تقریب سے خطاب کرتے ہوئے شیخ احسن الدین ایڈو وکیٹ سپریم کو رٹ آف پاکستان نے کہا کہ حکمت خان اعوان نے محدود عرصہ میں جس لگن اور کوشش سے اٹک جیسی سر زمین میں اپنا نام پیدا کیا ہے وہ اپنی مثا ل آپ ہے ۔