لاہور (نوائے وقت رپورٹ) روجھان نے 812 اور سیالکوٹ نے 620 کے سکور سے فضائی آلودگی میں لاہور کو پیچھے چھوڑ دیا۔ لاہور 586 سے 457 پر آ گیا۔ نئی دہلی 274  اور بیجنگ 194 سکور پر ہے۔ فضائی آلودگی انڈیکس میں 163 کے سکور سے بغداد، 162 کے سکور سے تاشقند بھی سرفہرست  ہیں۔ پاکستان کے آلودہ ترین شہروں کی فہرست میں روجھان پہلے، سیالکوٹ دوسرے، 478 سکور سے پنڈی بھٹیاں تیسرے، لاہور چوتھے، 447 سکور سے ملتان پانچویں نمبر پر ہے۔ فضائی آلودگی انڈیکس میں منگلا 255 سکور سے چھٹے اور 244 سکور سے راولپنڈی ساتویں نمبر پر ہے۔  لاہور 586 سکور سے پہلے، 503 سکور سے پشاور دوسرے، 479 سکور سے ملتان تیسرے نمبر پر 262 سکور سے ہری پور چوتھے، 249 سکور سے اسلام آباد پانچویں، 212 سکور سے راولپنڈی فضائی آلودگی کی فہرست میں چھٹے نمبر پر آ گیا۔ ایبٹ آباد کا فضائی آلودگی انڈیکس پر 170 اور کراچی کا سکور 87 ریکارڈ کیا گیا۔ بھارت سے تیز آلودہ ہواؤں کی رفتار  تھمی نہ رخ بدلا۔ بھارت میں فصلوں کی باقیات جلانے سے پیدا ہونے والے سیاہ زہریلے دھوئیں کی آمد کا سلسلہ جاری  ہے۔ پورے پاکستان کو مل کر اور ہر شہری کو اپنی اپنی جگہ پر زہریلے سموگ کے خاتمے کی جدوجہد میں کردار ادا کرنا ہوگا۔ سینئر صوبائی وزیر مریم اورنگزیب  نے کہا کہ پہلی مدد دھوئیں کو روکنا، خلاف ورزی کرنے والوں کی 1373 پر اطلاع دینا اور ماسک سمیت احتیاطی تدابیر اختیار کرنا ہے۔