لاہور(کامرس رپورٹر)پاکستان ہارڈوئیر ایسوسی ایشن کے چیرمین سردار عثمان غنی نے کہا ہے کہ پاکستان انڈسٹریل ایکسپو میں ہارڈوئیر سے متعلقہ چائنیز و لوکل کمپنیوں کی بھرپور شرکت حوصلہ افزا ہے۔ پاکستان انڈسٹریل ایکسپو کی افتتاحی تقریب میں شرکت کے موقع پر سردار عثمان غنی نے کہا نمائش سے دونوں ملکوں کے ہارڈوئیر سیکٹرز میں بزنس پر انتہائی مثبت نتائج برآمد ہونگے۔ چائنیز ہارڈوئیر مینوفیکچررز کو پاکستان میں جوائنٹ وینچر لگانے پر آمادہ کر رہے ہیں۔