فیروزوالہ( نامہ نگار) ڈکیتی، چوری اورراہزنی کی وارداتوں کے دوران شہری لٹ گئے مزاحمت پر ڈاکوؤں نے 2 افراد کو زخمی کر دیا۔ ڈاکو لوٹ مار کرنے کے بعد فرار ہو گئے۔ لاہور روڈ پر کوٹ عبدالمالک کے قریب ڈاکوؤں نے گن پوائنٹ پر2 افراد کو روک کر لوٹ لیا۔ ڈاکووں نے اکرم اس کے ساتھی سے 3 موبائل نقدی اور موٹر سائیکل چھین کر لے گئے۔ تھانہ صدر کے قریب شادی کی تقریب میں ڈھول بجا کر گھر جانیوالے ڈھولچیوں مسیح اوراسکے بھائی کیلاش مسیح کو2مسلح نامعلوم ڈاکوؤں نے اسلحہ کی نوک پرروک کر نقدی چھینی دوران ڈکیتی مزاحمت پر مسلح ڈاکوؤں کی فائرنگ سے آندریاس بائیں ٹانگ میں گولی لگنے سے زخمی ہوگیا اورملزمان فرار ہوگئے۔ مضروب کو ریسکیواہلکاروں نے طبی امدادکیلئے ہسپتال داخل کرا دیا۔تھانہ فیکٹری ایریا کے قریب ڈاکوؤں نے سولر پلیٹیں لگانے کیلئے جانیوالے کاریگرعبید سے ہزاروں روپے نقدی چھین کرفرار ہوگئے۔ ماہدہ سٹاپ کے قریب ڈاکوؤں نے عابدمحمود سے2لاکھ18ہزارروپے نقدی چھین کرفرار ہو گئے۔ ڈاکوؤں نے گولی مار کر نوجوان کو زخمی کر دیا۔ ڈاکو نقدی اور موبائل چھین کر لے گیا ہے۔