درجنوں وارداتیں‘ ڈاکوشہریوں سے لاکھوں روپے‘ قیمتی سامان چھین کرفرار

لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے ‘ زیورات،موبائل فون،موٹر سائیکلیں،گاڑیاں اور دیگر سامان لوٹ لیا۔ ڈاکوؤں نے فیکٹری ایریا میں آفتاب کے گھر میں گھس کر اہلخانہ کو گن پوائنٹ پر یرغمال بناکر5 لاکھ ‘ زیورات،موبائل فون دیگر سامان،نواب ٹاؤن میں منصور کی فیملی سے ساڑھے 3 لاکھ‘زیورات اورموبائل فون،سندر میں عادل سے 80ہزار‘ موبائل فون،مناواں میں قادر 70 ہزار‘موبائل فون،لٹن روڈ میں وقاص سے61 ہزار ‘ موبائل فون،لٹن روڈ میں جبار سے 37ہزار‘ موبائل فون،گڑھی شاہو میں نعیم سے 23ہزار‘ موبائل فون،ریس کورس میں افضال سے 18 ہزار‘ موبائل فون،ہنجروال میں احمد سے  11 ہزار ‘ موبائل فون،جنوبی چھاؤنی میں عمران سے2 ہزار‘ موبائل فون لوٹ لیا۔چوروں نے کوٹ لکھپت میں شفقت سے4 لاکھ‘ زیوارات دیگر سامان چوری کر لیا ۔چوروں نے اقبال ٹاؤن،ڈیفنس، گرین ٹاؤن اور باغبانپورہ سے 4کاریں جبکہ ہنجروال‘ ریس کورس‘ ٹبی سٹی‘ بھاٹی گیٹ‘ شاہدرہ ٹاؤن‘مزنگ‘اسلام پورہ اور قائداعظم انڈسٹریل اسٹیٹ کے علاقوں میں سے8 موٹرسائیکلیں چوری کرلی ۔