کوئٹہ (این این آئی)پشتونخوا میپ کے محمود خان اچکزئی کا کہنا ہے کہ فارم 47 کے نتیجے میں بننے والی حکومت تسلیم نہیں کرتے۔بلوچستان میں پشتونخوا میپ کے زیر اہتمام دو روزہ امن جرگے کے آخری روز محمود خان اچکزئی نے خطاب کرتے ہوئے کہا کہ وفاقی اداروں سے صوبائی انتظامی اختیارات صوبائی انتظامیہ کو واپس کیے جائیں۔۔محمود خان اچکزئی کا کہنا تھا کہ سیکیورٹی کے نام پر بلوچستان کو عملاً وفاقی علاقے میں تبدیل کیا گیا ہے۔انہوں نے کہا کہ وفاق کی مداخلت نے صوبے کی آئینی صوبائی خودمختاری، انتظامی اتھارٹی کو مفلوج کیا ہے۔محمود خان اچکزئی نے کہا کہ اٹھارھویں ترمیم کی اصل روح کے مطابق صوبے کی صوبائی حیثیت اور خودمختاری بحال کی جائے۔انہوں نے کہا کہ ، ملک کو مشکل حالات سے نکالنے کا واحد حل فوری صاف شفاف انتخابات کا انعقاد ہے۔