اسلام آباد (اپنے سٹاف رپورٹر سے )چوری ،سنیچنگ اور سٹریٹ کرائم کی وارداتوں میں شہری نقدی زیورات، کاروں، موٹر سائیکلوں سمیت قیمتی سامان سے محروم ہو گئے ،تھانہ مارگلہ کے علاقے میں دو نقاب پوش موٹر سائیکل سوار راہگیر سے نقدی، موبائل فون چھین کر فرار ہوگئے تھانہ آئی نائن کے علاقے میں دو موٹر سائیکل سوار گن پوائنٹ پر ایک شخص سے نقدی اور لیپ ٹاپ چھین کر فرار ہوگئے تھانہ کورال کے علاقے میں سٹریٹ کرائم کی واردات میں ایک فیملی سے پرس، نقدی ، زیورات، موبائل فون چھین لئے گئے تھانہ سبزی منڈی کے علاقے میں دو مسلح افراد شہری سے گن پوائنٹ پر موٹرسائیکل، نقدی اور موبائل فون چھین کر فرار ہوگئے تھانہ کھنہ کے علاقے میں گھر کے تالے توڑ کر نقدی، زیورات، ایل سی ڈی ، جوسر چوری کرلئے گئے تھانہ سنبل کے علاقے میں دکان کے تالے توڑ کر نقدی، سگریٹ اور آئل کے پیکٹ چوری ہوگئے تھانہ سبزی منڈی کے علاقے میں گھر کے گیٹ کا کنڈا اور تالا کاٹ کر نقدی، زیورات، اوون چوری کرلئے گئے تھانہ سنبل کے علاقے میں دو مسلح افراد ایک شہری سے موٹر سائیکل چھین کرفرار ہوگئے تھانہ بھارہ کہو کے علاقے سے کار، تھانہ شہزاد ٹائون کے علاقے سے موٹر سائیکل ،تھانہ ہمک کے علاقے سے موٹر سائیکل، تھانہ آبپارہ کے علاقے سے موٹر سائیکل،تھانہ کورال کے علاقے سے موٹر سائیکل چوری ہوگیا۔