اسلام آباد(اپنے سٹاف رپورٹر سے )برطانیہ کی ممتاز سیاسی وسماجی شخصیت امین مرزا گوجرخانوی نے کہا ہے کہ نومنتخب امریکن صدر ڈونلڈ ٹرمپ نے اپنی پہلی فاتحانہ تقریر میں دنیا سے میں جاری جنگیں ختم کرنے کی بات کی ہم ان کے بیان کا خیر  مقدم کرتے ہیں اگر نومنتخب امریکی صدر ڈونلڈ ٹرمپ جنگوں کے خاتمے میں سنجیدہ ہیں تو آغاز فلسطین اور لبنان سے میں جنگ کے خاتمے سے کریں وگرنہ ان کا بیان صرف سیاسی تصور ہوگا فلسطینی مسلمان ایک عرصے سے اسرائیلی فورسز کے ظلم و جبر کا شکار ہے غزہ مکمل طور پر تباہ ہو چکا لبنان پر اسرائیل کے حملے جاری ہیں اس صورت حال میں امریکہ کو کردار ادا کرنا ہوگا ۔