مختلف امتحانی مراکز سے 5امیدوار نقل کرتے رنگے ہاتھوں پکڑے گئے

راولپنڈی(محبوب صا بر/جنرل رپورٹر)امتحان انٹر میڈیٹ سیکنڈ اینول 2024کے سلسلہ میں مختلف امتحانی مراکز سے 5امیدوار نقل کرتے رنگے ہاتھوں پکڑے گئے،چیئر مین تعلیمی بورڈ عدنان خان نے امتحانی مراکز میں تعلیمی بورڈ کی طرف سے کئے گئے انتظامات کا جائزہ لیا،کنٹرولر امتحانات تنویر اصغر اعوان نے کہا امتحانی مرکز گورنمنٹ گریجویٹ کالج سیٹلائٹ ٹاؤن، راولپنڈی میں دو امیدواران رولنمبر 815044خضر حیات، 815102عبد الحسیب ڈار کو نقل کرتے ہوئے موبائل انسپکٹر ڈاکٹر گل احمد نے پکڑ لیا۔ امتحانی مرکز گورنمنٹ ایم سی بوائز ہائیر سیکنڈری سکول گوجر خان میں رولنمبر815349 محمد عیسی منیب کو موبائل انسپکٹر چوہدری بشارت نے رنگِ ہاتھوں پکڑلیا۔ جبکہ امتحانی مرکز گورنمنٹ ہائی سکول نمبر1فتح جنگ میں دو امیدواران رولنمبر816057جنید احمد، 816006عدنان شاہ جہان کو ڈسٹرکٹ ویجیلنس کمیٹی کے کنوئیر محموداحمد کھوکھر نے رنگِ ہاتھوں پکڑ لیا، نقل مافیا کو کسی صورت برداشت نہیں کیا جائیگا۔