پاکستان اور فلسطین دوستانہ فٹبال میچ میں آج ٹکرائیں گے

لاہور( نمائندہ سپورٹس ) پاکستان اور فلسطین کے فٹبال ٹیموں کے درمیان دوستانہ میچ آج لاہور میں کھیلا جائے گا۔فیفا ڈے کی مناسبت سے شیڈول میچ کے لیے فلسطینی ٹیم دو روزہ دورے پر لاہورپہنچ گئی ہے۔ پاکستان فٹبال فیڈریشن کے مطابق پاکستان اور فلسطین کے درمیان میچ آج سہ پہرتین بجے پنجاب فٹبال اسٹیڈیم میں کھیلا جائے گا، جس کے لیے تمام تیاریاں مکمل کرلی گئی ہیں۔ فیفارینکنگ میں پاکستان175  جبکہ فلسطین102 نمبرپر براجمان ہے۔