بلاول نے عمران کی مودی سے مسکراتے ہوئے ہاتھ ملانیوالی تصویر ویب سائٹ پر جاری کر دی

لاہور (آئی این پی) پیپلزپارٹی کے چیئرمین بلاول بھٹو نے بھارتی وزیراعظم نریندر مودی سے عمران خان کے مسکراتے ہوئے ہاتھ ملانے والی تصویر پر سماجی رابطوں کی ویب سائٹ پر جاری کر دی ۔ اسد عمر نے سابق صدر آصف علی زرداری کی نوازشریف اوراسفندیار ولی کے ساتھ ہاتھ ملاتے اور مولانا فضل الرحمن کے ساتھ گلے ملتے ہوئے اور عمران خان کی اکیلے کی تصویر سماجی رابطوں کی ویب سائٹ پر لگا کر یہ لکھا قوم دیکھ رہی ہے اور چھپنے کی جگہ ختم، آپ کرپشن کے ساتھ یا خلاف درمیان میں کوئی جگہ نہیں۔ اس کے جواب میں بلاول بھٹو نے عمران کی نریندر مودی سے مسکراتے ہوئے ہاتھ ملانے اور اپنی تصاویر نوازشریف کے ساتھ لگاتے ہوئے لکھا کیا ہم یہ مقابلہ کرنا چاہتے ہیں نوازشریف سے میری یا عمران خان کی بھارتی وزیراعظم نریندر مودی سے ملاقات میں سے زیادہ ’’بُری‘‘ ملاقات کس کی ہے؟ بلاول بھٹو نے اسد عمر کو مخاطب کرتے سیاسی نصیحت کرنے کی بھی کوشش کی اور کہا میں یقین سے کہہ سکتا ہوں متحدہ اپوزیشن پانامہ لیکس کا کیس بہتر انداز میں پیش کر سکتی ہے۔