خانیوال ، گوجرہ (نمائندہ نوائے وقت ) خانیوال کے نواحی علاقہ 88 دس آر میں انٹر کے امتحان میں 3 سپلیاں آنے پر 17 سالہ لڑکی نے دلبرداشتہ ہو کر زہریلی گولیاں نگل کر زندگی ختم کرلی۔ فائزہ امین کو شدید تشویشناک حالت میں ڈسٹرکٹ ہسپتال منتقل کیا گیا جہاں وہ موت و حیات کی کشمکش میں رہنے کے بعد دم توڑ گئی ۔علاوہ ازیں گوجرہ کے چک نمبر 93 ج ب میں نوجوان توقیر نے نامعلوم وجوہات کی بنا پر گندم میں رکھنے والی زہریلی گولیاں کھا لیں۔ حالت غیر ہونے پر مقامی ہسپتال پہنچایا گیا جہاں سے مخدوش حالت کے پیش نظر الائیڈ ہسپتال ریفر کر دیا گیا مگر وہ جانبر نہ ہو سکا۔