نیتھن لیون ٹیسٹ کرکٹ میں زیادہ وکٹیں لیکر بریٹ لی کے ہم پلہ

دبئی (اے پی پی) مایہ ناز آسٹریلوی سپنر نیتھن لیون نے ٹیسٹ کرکٹ میں سابق ہم وطن بائولر بریٹ لی کی زیادہ وکٹوں کا ریکارڈ برابر کر دیا، اسطرح وہ زیادہ وکٹیں لینے والے مشترکہ طور پر پانچویں آسٹریلوی بائولر بن گئے ہیں، لیون نے پاکستان کے خلاف پہلے ٹیسٹ کی دوسری اننگز میں 2 وکٹیں لیکر بریٹ لی کا ریکارڈ برابر کیا، دونوں بائولرز نے 310 وکٹیں لے رکھی ہیں، اس بات کے قوی امکانات ہیں کہ نیتھن لیون پاکستان کے خلاف شیڈول دوسرے ٹیسٹ میں نہ صرف بریٹ لی بلکہ مچل جونسن کی زیادہ وکٹوں کا ریکارڈ توڑ دیں گے۔