ترقی یافتہ ممالک سے مقابلہ کرنے کیلئے نسل نو کو جدید علوم کاجاننا بہت ضروری‘ نجیب حیدر

خانیوال(نمائندہ خصوصی)یونیورسٹی کالج آف منیجمنٹ اینڈ سائنسز خانیوال میں کیمپس ڈائریکٹر ڈاکٹر نجیب حیدر کی زیرصدارت طلباء وطالبات کی مخفی صلاحیتوں کو اجاگرکرنے کے لیے اردو اورنگلش تقاریر اورملی نغموں کے مقابلہ جات کی تقریب کا انعقاد کیا گیا جس میں ڈپٹی ڈائریکٹر ڈاکٹر محمدسلمان‘پی آر او مس واصفہ ودیگراساتذہ بھی موجودتھے ۔ ۔ طلباء وطالبات نے  اردواورانگلش تقاریر اورملی نغمے پیش کیے  کیمپس ڈائریکٹر ڈاکٹر نجیب حیدرنے کہاکہ ترقی یافتہ ممالک سے مقابلہ کرنے کیلئے تعلیمی میدان میں ہماری نسل نو کو جدید علوم کاجاننا بہت ضروری ہے‘یونیورسٹی کالج آف منیجمنٹ اینڈ سائنسزکے طلبہ نہ صرف ذہین ہیں بلکہ باصلاحیت بھی ہیں  ۔