راولپنڈی (اپنے سٹاف رپورٹر سے)عشرہ رحمت اللعالمین صلی اللہ علیہ وسلم کے سلسلے میں غوثیہ ویلی سے ڈھوک سیداں چوک تک ایک ریلی کا انعقاد کیا گیا جس کی قیادت ڈسٹرکٹ خطیب حافظ اقبال رضوی نے کی جبکہ قاضی ظہور الٰہی قادری اور سائیں اعجاز پال نے خصوصی طور پر ریلی میں شرکت کی۔ ریلی میں مدارس کے بچوں اور زندگی کے مختلف شعبوں سے تعلق رکھنے والے افراد بھی شامل ہوئے۔ ریلی سے خطاب کرتے ہوئے، حافظ اقبال رضوی نے کہا کہ دنیاوی اور آخروی زندگی میں کامیابی کا واحد ذریعہ آپ صلی اللہ علیہ وسلم کی سنت مبارکہ کے مطابق زندگی گزارنا ہے۔ انہوں نے کہا کہ تاریخ گواہ ہے کہ جن اقوام نے اللہ کے احکامات کی خلاف ورزی کی وہ نہ دنیا میں کامیاب ہوئے اور نہ ہی آخرت میں ان کے لئے کوئی حصہ ہے اور ہم مسلمانوں کا ایمان اس وقت تک مکمل نہیں ہوتا جب تک ہم آپ صلی اللہ علیہ وسلم کو اپنی اولاد اور مال سے زیادہ عزیز نہیں رکھتے۔