سینٹورس مال کے شا پنگ ایریا کوبزنس کےلئے کھولا جائے، اجمل بلوچ

اسلام آباد ( نمائندہ خصوصی) آل پاکستان انجمن تاجراں اور ٹریڈرز ایکشن کمیٹی اسلام آباد کے صدر اجمل بلوچ ، سیکرٹری و کنونیئر ٹریڈرز کمیٹی آئی سی سی آئی خالد چوہدری،جناح سپر مارکیٹ کے صدر اسر عزیز ،سپرمارکیٹ کے صدر شہزاد شبیر عباسی، ایف ٹین مرکز کے صدر احمدخاں ،چوہدری آفتاب گجر،عابد عباسی، سید الطاف حسین شاہ ،محبوب احمد خان ، عرفان چوہدری، شاہد عباسی نے کہا ہے کہ سینٹورس شاپنگ مال میں گزشتہ روز آتشزدگی کا واقع پیش آیا ۔ الحمداللہ کوئی جانی نقصان نہیں ہوا ۔ فوڈ کورٹ کا کچھ حصہ متاثر ہوا ہے جبکہ تمام شاپنگ ایریا محفوظ ہے ۔ انتظامیہ کی طرف سے پورے مال کو سیل کر دیا گیا ہے جو زیادتی ہے،سینٹورس مال میں ہزاروں تاجروں کا روزگار منسلک ہے۔
 اور فلیٹ میں سینکڑوں افراد رہائش پذیر ہیں، انتظامیہ کو چاہیے کہ متاثرہ جگہ کو کارڈن آف کرکے جو انکوائری کرنا ہے کریں ۔ تمام شا پنگ ایریا کو فوری طور پر بزنس کے لئے کھولا جائے ، انہوں نے وزیر اعظم شہباز شریف سے کہا ہے کہ وہ سینٹورس مال فوری طور پر ڈی سیل کرنے کے احکامات جاری کریں ۔ تاجروں کا کاروبار پہلے ہی نچلی سطح پر ھے ایسے سخت اقدامات کر کے ان کو مشتعل نہ کیا جائے۔