لاہور(نامہ نگار) اےنٹی ناکوٹکس فورس نے لاہور میں واقع نجی کوریئر کمپنی کے آفس میں برطانیہ ،برمنگھم کیلئے بک کئے گئے جوتوں کے ڈبے کے پارسل سے ہیروئن برآمد کرلی ہے۔ 400 گرام ہیروئین مہارت سے پشاوری چپلوں میں چھپائی گئی تھی جبکہ پارسل بک کرانے والے شخص کی تلاش شروع کردی گئی ہے۔

لو کو شاپ میں منشیات لیجانے والاریلوے ملازم گرفتار ،5پیکٹ چرس برآمد
لاہور (سٹاف رپورٹر) ریلوے ورکشاپس ڈویژن پولیس نے لو کو شاپ میں منشیات لیجانے والے ریلوے ملازم کو گرفتار کر لیا۔ملزم کی آن ڈیوٹی ریلویز پولیس ملازمین لیاقت علی اور آصف نے تلاشی لی۔ ملزم نے چرس کے5 پیکٹس کو گھٹنے کے نیچے چھپا رکھا تھا۔ ملزم کے خلاف سپیشل برانچ کی طرف سے منشیات نوشی کی خفیہ اطلاع بھی موصول ہوئی تھی۔