کامونکی(نمائندہ خصوصی) گزشتہ رات پاک ٹاؤن کا سیلز مین ذیشان سادھوکی سے ریکوری کرکے واپس موٹر سائیکل پرآرہا تھا کہ جی ٹی روڈ گھنیاں کے قریب دو   ڈاکوؤں نے اس سے ایک لاکھ 77ہزارروپے   چھین لئے اسی طرح  پولیس یونیفارم میں ملبوس دو ڈاکو ٹھینگ موڑ قصور کے رہائشی پک اپ سوار دو بھائیوں فیصل اور شفیق پسران امین سے ٹول پلازہ کے قریب ایک لاکھ ستائیس ہزار روپے نقدی اوراسی لاکھ روپے کا چیک چھین کر فرار ہوگئے دوسری طرف  ایمن آباد کے علاقہ میں ہنڈا 125موٹر سائیکل پر سوار دو ڈاکوؤں نے موٹرسائیکل عمران گوجر اور  ابوبکر سکنہ گوجرانوالہ سے ڈیڑھ لاکھ روپے نقدی اور موبائل فون چھین لیا ۔جبکہ چوری کی واردات میں تھانہ ایمن آباد کے پٹواری محمد یونس اور نواز وغیرہ میں لین دین کا تنازعہ چل رہاہے۔گذشتہ روز اسی بناپر نواز،توحید احمد اپنے ساتھیوں کی مدد سے چودہ لاکھ چھیانوے ہزار روپے مالیت کی پٹواری محمد یونس کی چھ سو اسی من دھان کی فصل کاٹ کر لے گئے۔جبکہ تھانہ صدر کے علاقہ سادھوکی کے آصف کے گھر سے نامعلوم مرد اور خاتون دو بچیوں کی مدد سے بیس ہزارروپے نقدی اور موبائل فون چوری کرکے لے گئے۔اسکے علاوہ موضع کھرک کے گورنمنٹ پرائمری سکول سے نامعلوم چور بجلی کی موٹر،پنکھا اور نقدی چوری کرکے لے گئے ۔