کراچی(اسپورٹس رپورٹر) سندھ کرکٹ ایسوسی ایشن کے زیر اہتمام اور محکمہ کھیل و نو جوانان امور حکومت سندھ کے تعاون سے منعقدہ سندھ انٹر اسکول ٹورنامنٹ میں ہیکسس اسکول نے جی بی ایس ایس کلیٹن روڈ اسکول کو 248 رنز کے بھاری مارجن سے شکست دی جبکہ ڈسٹرکٹ ویسٹ میں بھی ہیپی پیلس اسکول اور جی بی ایس ایس یوسف گوٹھ اسکول کے درمیان یکطرفہ مقابلہ ہوا جس میں ہیپی پیلس اسکول نے دس وکٹوں سے کامیابی سمیٹی۔ ان میچوں میں ہیکسس اسکول کے زین علی جعفری اور محمد دانیال نے شاندار سینچریا ں اسکور کیں۔ حمزہ طاہر ۔ ولی سلطان نے عمدہ بولنگ کا مظاہرہ کیا۔ ڈسڑکٹ ایسٹ میں کھیلے گئے میچ میں ہیکسس اسکول نے چار وکٹوں پر 304 رنز کا پہاڑ کھڑا کردیا۔ زین علی جعفری نے 12, چوکوں اور 5 چھکوں مدد سے 121 رنز کی شاندار اننگ کھیلی۔ محمد دانیال نے 104 رنز کی برق رفتار اننگ کھیلی جس میں 8 چوکے اور 5 چھکے شامل تھے۔ مرتضی رضا نے دو وکٹیں حاصل کیں۔ جواب میں جی بی ایس ایس کلیٹن روڈ اسکول کی ٹیم صرف 56رنز پر ڈھیر ہوگئ۔ مرتضی رضا نے 21 رنز بناے۔ حمزہ طاہر نے تین وکٹیں لیں۔ زین علی جعفری مین ف دی میچ قرار پاے۔  ڈسڑکٹ ویسٹ میں ہیپی پیلس اسکول کے سامنے جی بی ایس ایس اسکول یوسف گوٹھ 34 رنز بناسکی۔ ولی سلطان نے بغیر کوئی رن دیئے دو وکٹئں حاصل کیں۔ فاتح ٹیم نے مطلوبہ ہدف بغیر کسی نقصان کے حاصل کرلیا۔