لاہور (نوائے وقت رپورٹ) سابق وزیراعلی پنجاب حمزہ شہباز شریف سے برٹش پولیٹیکل کونسلر زوئی ویئر کی ملاقات میں باہمی دلچسپی کے امور پر تبادلہ خیال ہوا۔ برٹش پولیٹیکل کونسلر نے حمزہ شہباز شریف کے ساتھ آئندہ انتخابات پر گفتگو کی۔ حمزہ شہباز نے کہا کہ آئندہ انتخابات میں مسلم لیگ ن بھرپور سیاسی قوت کے ساتھ میدان میں اترے گی۔ سیاسی استحکام انتخابات کے نتیجے میں آئے گا اور سیاسی استحکام کے بغیر ملکی معیشت کو پیروں پر کھڑا کرنا مشکل ہو گا۔ مسلم لیگ ن نے ہمیشہ پاکستان کی معیشت کو کھائی سے نکال کر ترقی کی راہ پر ڈالا۔ ملاقات میں باہمی دلچسپی کے امور پر تبادلہ خیال کیا گیا۔