لندن : لوٹن ہوائی اڈے پر آتشزدگی ‘تمام پروازیں معطل

لندن(این این آئی)لندن کے لوٹن ہوائی اڈے پر اچانک آگ بھڑک اٹھی جس کے سبب تمام پروازیں معطل کردی گئیں۔غیر ملکی خبررساں ادارے کے مطابق آگ کارپارکنگ میں لگی جس کی وجہ سے ہوائی اڈے کے ٹرمینل 2تک پہنچنا ناممکن ہوگیا۔انتظامیہ نے لوگوں کو خبردار کیا کہ وہ ہوائی اڈے آنے سے گریز کریں۔حکام کے مطابق آگ ایک گاڑی میں لگی تھی جو تیزی سے پھیلی اور اس نے ہوائی اڈے کو لپیٹ میں لے لیا۔حکام نے بتایا کہ آگ سے پارکنگ ایریا کا تھرڈ فلور 80فیصد متاثر ہوا ہے تاہم گاڑی میں آگ لگنے کی وجہ معلوم نہیں ہوسکی۔