2موٹر سائیکل چورگینگ‘منشیات فروش گرفتار‘رشوت مانگنے پر پولیس اہلکار معطل 

لاہور(سٹاف رپورٹر) لاہور پولیس آپریشنز ونگ نے مختلف کاروائیوں کرتے ہوئے بھاٹی گیٹ اور غازی آباد کے علاقوں سے 2موٹر سائیکل چورگینگ گرفتار کر لئے اور ملزمان سے 10 موٹر سائیکلیں برآمد کر لیں۔ملزمان میںشکیل ، عرفان، ہمایوں، عمر اور نیاز شامل ہیں۔ ملزمان سے اسلحہ بھی برآمد کیا گیا ۔ نشتر کالونی پولیس نے شہریوں میں ہوائی فائرنگ سے خوف ہراس پھیلانے والے ملزم زاہد کو گرفتار کیا ۔ جی تھری بندوق برآمدکی اور قبضے میںلے لی۔نواب ٹائون سے منشیات فروش محمد نعیم عرف کالوکوحراست میں لے کرلاکھوں مالیت کی 4کلو640گرام چرس برآمد کر لی۔حولات میں بند ملز م سے  ملاقات کے لیے رشوت مانگنے والے اہلکار کو معطل کر کے انکوائری شروع کر دی گئی۔ڈی آئی جی آپریشنز فیصل کامران نے کہا کہ لاہور پولیس شہریوں کے جان و مال کا تحفظ یقینی بنانے کیلئے الرٹ ہے ۔ ڈی آئی جی آپریشنز نے تھانہ ٹبی سٹی میں حوالات میں بند ملزم سے ملاقات کے رشوت مانگنے والے اہلکار کو معطل کرکے اور انکوائری شروع کرنے کیلئے ایس پی سٹی کو ہدایت دیں۔ انہوںنے کہا کہ رشوت ستانی کسی صورت قابل قبول نہیں کی جائے گی ۔ کرپٹ اور ناا ہل ملازمین کی محکمہ میں کوئی جگہ نہیں ۔