ننکانہ صاحب (نامہ نگار) پولیس نے 33 قمار باز اورمنشیات فروشوں کو گرفتار کر کے لاکھوں روپے، منشیات اور موبائلز برآمد کر لئے تھانہ صدر ننکانہ کے نواحی گائوں تاراگڑھ میں ملک قاصر علی چدھڑ کی حویلی پر سی آئی اے پولیس نے چھاپہ مار کر جواء کھیلتے ہوئے 24 جواریوں کو گرفتار کر لیا اور دائوپر لگی ہوئی14 لاکھ روپے سے زائد نقدی اور موبائلز برآمد کر لیے۔ جبکہ تھانہ صدر ننکانہ پولیس نے 5 منشیات فروشوں مجاہد، سعید عرف پپو، نوید ، احسن رضا اور احسان کو گرفتار کر کے ساڑھے 6 کلو سے زائد منشیات برآمد کر لی ۔ تھانہ صدر شاہکوٹ پولیس نے 4 ملزمان ساجد، ریاض، فلک شیر اور اشرف کو گرفتار کر کے 2 کلو سے زائد چرس،25 لٹر شراب اور اسلحہ برآمد کرلیا۔ پولیس نے مقدمات درج کر لیے۔