حافظ آباد(نمائندہ نوائے وقت)ڈپٹی کمشنر عبد الرزاق نے صبح سویرے گورنمنٹ بوائز پرائمری سکول نمبر 6،فیملی پارک ، چلڈرن پارک، اور ڈی ایچ کیو ہسپتال کا اچانک دورہ کیا ۔ ڈپٹی کمشنر نے سکول میں تعلیمی صورتحال ، پارکو ں میں شہریوں کے لیے دستیاب تفریحی سہولیات جبکہ ہسپتال میں مریضوں کے علاج معالجہ کے لیے سہولیات کا جائزہ لیا۔ ڈپٹی کمشنر عبد الرزاق صبح گورنمنٹ پرائمری سکول نمبر 6چوک فارو ق اعظم میں پہنچ گئے جہاں انہوں نے سٹاف کی حاضری ،سکول کی مجموعی تعلیمی صورتحال اور بالخصوص صفائی ستھرائی کے کاموں کا جائزہ لیا۔ ڈپٹی کمشنر نے طلبا ء سے انکے سکول ورک کو بھی چیک کیا جبکہ ہیڈ ماسٹر سمیت دیگر اساتذہ کو سکول واش رومزاور سکول کی صفائی ستھرائی کو فوری بہتر بنانے کی ہدایت کی ۔