لاہور (سپورٹس رپورٹر)پریذیڈنٹ ون ڈے کپ میںایس این جی پی ایل نے او جی ڈی سی ایل کو 6 وکٹوں سے اور پی ٹی وی نے ایشال ایسوسی ایٹس کو  2 وکٹوں  سے ہرادیا۔گروپ میچوں کے اختتام پر گروپ اے سے واپڈا اور سٹیٹ بینک اور گروپ بی سے پی ٹی وی اور ایس این جی پی ایل کی ٹیمیں سیمی فائنل میں پہنچ گئی ہیں۔دونوں سیمی فائنلز اور فائنل جناح سٹیڈیم گوجرانوالہ میں کھیلے جائیں گے۔ 13 اکتوبر کو پہلا سیمی  فائنل گروپ اے کی نمبر ایک ٹیم  واپڈا اور گروپ بی کی نمبر دو ٹیم ایس این جی پی ایل کے درمیان کھیلا جائیگا۔ 14 اکتوبر کو دوسرے سیمی فائنل میں گروپ اے کی نمبر دو ٹیم سٹیٹ بینک کا مقابلہ گروپ بی کی نمبر ایک ٹیم پی ٹی وی سے ہوگا۔ فائنل 16 اکتوبر کو ہوگا۔ یہ میچز دن پونے دو بجے شروع ہونگے اور یہ پچاس اوورز پر مشتمل ہونگے۔ لاہور میں ایس این جی پی ایل نے او جی ڈی سی ایل کو 6 وکٹوں سے ہرادیا۔او جی ڈی سی ایل کی ٹیم 248 رنز بناکر آؤٹ ہوگئی۔ محمد عمیر نے 61 رنز کی اننگز کھیلی۔محمد علی نے تین وکٹیں حاصل کیں۔جواب میں ایس این جی پی ایل نے چار وکٹوںہدف پورا کرلیا۔ طاہر بیگ نے 95 رنز کی اننگز کھیلی۔ عمیربن یوسف 80 رنز بناکر ناٹ آؤٹ رہے۔ فیصل آباد میں پی ٹی وی نے ایشال ایسوسی ایٹس کو 2 وکٹوں سے شکست دیدی۔ ایشال ایسوسی ایٹس 220 رنز بناکر آؤٹ ہوگئی۔ پی ٹی وی نے ہدف 8 وکٹوں پرحاصل کر لیا۔ فہیم اشرف نے85 رنز کی جارحانہ  اننگز کھیلی۔