لاہور(سپورٹس رپورٹر)آئی سی سی ویمنز ٹی ٹونٹی ورلڈ کپ میں آسٹریلیا نے پاکستان کو 9 وکٹوں سے ہرا دیا‘سیمی فائنل کیلئے سیٹ پکی کرلی۔دبئی میں آسٹریلوی کپتان نے ٹاس جیت کر فیلڈنگ کو ترجیح دی، پاکستان کی  کپتان منیبہ علی 7 ‘صدف شمس 3، سدرہ امین 12، عمیمہ سہیل 3 اور ندا ڈار 10 ‘ عالیہ ریاض  26 رنز ‘ ارم جاوید نے 12 رنز بنائے،  ٹیم 82 رنز بنا کرآئوٹ ہوگئی۔ایشلے گارڈنر نےچاروکٹیں حاصل کیں۔آسٹریلیا کی  بیتھ مونی 15 رنز بنا کر سعدیہ اقبال کا شکار بنیں۔سکور 69 ہوا تو ایلیسا ہیلی ریٹائرڈ ہرٹ ہوگئیں‘ ایلس پیری اور ایشلی گارڈنر نےہدف 11 اوور میں  ایک وکٹ پر پورا کر دیا۔ایشلے گارڈنر کو میچ کی بہترین کھلاڑی قرار دیا گیا۔