مائل ہائی 360 سکواش‘ 3 پاکستانی کھلاڑی سیمی فائنل میں پہنچ گئے

لاہور(سپورٹس رپورٹر)امریکہ میں جاری مائل ہائی 360 سکواش میں پاکستان کے عاصم خان، نور زمان اور اشعب عرفان سیمی فائنل میں پہنچ گئے ہیں۔اشعب عرفان نے کوارٹر فائنل میں ٹاپ سیڈ کینیڈا کے ڈیوڈ بیلارگیون کو6۔11، 10۔12 اور 7۔11 سے ہرایا۔ عاصم خان نے سیکنڈ سیڈ میکسیکو کے سیزار سالازار کو 10۔12، 2۔11، 7۔11 اور 0۔11 سے زیر کیا۔ نور زمان نے سیڈ نمبر 4 امریکہ کے سپینسر لووجوئے کو 8۔11، 2۔11، 11۔8 اور 6۔11شکست دی۔سیمی فائنل میں عاصم خان کا مقابلہ نور زمان سے ہوگا جبکہ اشعب عرفان سیمی فائنل میں انگلینڈ کے ٹام والش سے مقابلہ کریں گے۔