انگلینڈ نے سکھایا کیسے جیت کیلئے راستہ نکالنا ہے: شان مسعود

لاہور(سپورٹس رپورٹر ) قومی ٹیسٹ ٹیم کے کپتان شان مسعود نے کہا ہے کہ انگلینڈ نے ہمیں سکھایا کیسے جیت کیلئے راستہ نکالنا ہے،  ہم 20 کیا اچھے انداز سے 10 وکٹیں بھی نہیں لے رہے جو بہت ہی مایوس کن ہے۔ ہم پچ کو بہت زیادہ لٹریلی لیتے ہیں، امید تھی یہ پچ جلدی ٹوٹے گی۔ کوشش پوری کی پہلی اننگز کو لمبا کھیلیں، پانچ دن کے میچ میں کنڈیشنز تبدیل ہوتی رہتی ہیں، اس سے زیادہ کیا مایوسی ہوگی کہ ہم ہار گئے ہیں۔ بطور ٹیم دیکھنا ہے کہاں خامیاں ہیں۔اابرار ہسپتال میں زیرعلاج ہیں، رضوان  سکور نہیں کر سکے، بابر اعظم پاکستان کے بیسٹ بیٹرہیں لیکن بد قسمتی سے ان کی فارم نہیں چل رہی۔ دوسرے ٹیسٹ میں بیسٹ ٹیم اتاریں گے۔