کلر سیداں،گلی کے باہر کھڑا  موٹر سائیکل، پانی کی موٹر چوری  

  کلر سیداں(نامہ نگار)کلر سیداں میں چوری کی دو مختلف وارداتو ں میں نامعلوم ملزمان گلی کے باہر کھڑا موٹر سائیکل اور پانی کی موٹر چوری کر کے لے گئے ہیں۔محمد نعمان نے بتایا کہ وہ اپنا موٹر سائیکل گھر کے باہر گلی میں مین گیٹ کیساتھ کھڑا کر کے ناشتے کرنے کیلئے گھر گیا اور واپس آیا تو موٹر سائیکل اپنی جگہ سے غائب تھا۔دریں اثنا عباس عنصر نے مقدمہ درج کروایا کہ وہ کلر سیداں میں ایک نجی کالج میں بطور پرنسپل اپنی ڈیوٹی سر انجام دیتے ہیں۔گزشتہ شب نامعلوم ملزمان مین گیٹ کے باہر نصب الیکٹرک واٹر موٹر چوری کر کے لے گئے ہیں۔