چکوال ( نامہ نگار) چکوال پولیس نے یکم جنوری تا 30 ستمبر سال 2024 میں بذریعہ ای پولیس پوسٹ ایپ سے 87،471 افراد چیک کئے ، 14419 گاڑیاں چیک کی گئیں۔  چوری شدہ 03 گاڑیاں اور 35 موٹر سائیکل ریکور کی گیئں۔ 501 مجرمان اشتہاری گرفتار کئے گئے۔ اور 1030 عدالتی مفروران کو گرفتار کیا گیا۔ 35 گینگز کو انکے 102 ہمراہی کارندوں سمیت گرفتار کیا گیا اور ان سے 11 کروڑ 76 لاکھ 69 ہزار برآمد کئے گئے۔ قمار بازی کے اڈوں پر ریڈ کئے گئے دا پر لگی ہوئی رقم ایک کروڑ 29 لاکھ 52 ہزار 06 سو قبضہ پولیس میں لے کر انکے خلاف 23 مقدمات درج کر کے 199 ملزمان گرفتار کئے گئے, جبکہ دیگر مقدمات میں 6298 ملزمان گرفتار کئے گئے۔ ناجائز اسلحہ کے حامل افراد پر 501 مقدمات درج کر کے ملزمان کو گرفتار کیا گیا۔ برآمدگی اسلحہ 26 کلاشنکوف، 83 رائفل، 264 پستول اور بھاری مقدار میں روند برآمد کئے گئے۔