بانی پاکستان کی کرشماتی شخصیت ہمارے لئے مشعل راہ ہے،شبیر میثمی 

اسلام آباد (خبرنگار)شیعہ علما کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے قائد اعظم محمد علی جناح کے 76ویں یوم وفات کی مناسبت سے اپنے پیغام میں کہا ہے کہ بانی پاکستان کے سنہری فرامین اتحاد، تنظیم اور یقین محکم پر عمل پیرا ہو کر ہی وطن عزیز پاکستان کو ترقی و خوشحالی کی راہ پر گامزن کیا جا سکتا ہے، قائد اعظم کے افکار کی روشنی میں قوم کو متحد کر کے ملک سے لاقانونیت، غربت، افلاس و تنگدستی اور دیگر مسائل و مشکلات کا خاتمہ بھی ممکن بنایا جا سکتا ہے، ہم بانیِ پاکستان قائداعظم محمد علی جناح کو خراج عقیدت و سلام پیش کرتے ہیں، مسلمانانِ پاک وہند 11ستمبر 1948 کو اپنے عظیم رہنما کی قیادت سے محروم ہوگئے تھے، آپکی ولولہ انگیز اور مدبرانہ قیادت میں مسلمانوں نے الگ وطن "پاکستان" حاصل کیا اور انگریزوں کے تسلط سے چھٹکارا پایا، بانی پاکستان کی کرشماتی شخصیت ہمارے لئے مشعل راہ ہے۔